افغانستان میں داعش کو شکست دینے میں طالبان کا امریکا نے ساتھ دیا، امریکی جنرل

نیویارک : سبین ارشد : فغانستان میں داعش کو شکست دینے میں طالبان کا امریکا نے ساتھ دیا، امریکی جنرل نے اعتراف کیا کہ طالبان داعش کو شکست دینے کی صلاحیت رکھتے تھے،دوسری جانب امریکی محکمہ خارجہ کاکہنا ہے کہ طالبان کی پرتشدد کارروائیوں سے امن عمل کو نقصان پہنچ سکتا ہے۔

امریکی سینٹرل کمانڈ کے سربراہ جنرل کینتھ میکنزی نے انکشاف کیا ہے کہ افغانستان میں طالبان نے امریکی فوج کی محدود مدد سے داعش کو شکست دی، طالبان نے یہ ثابت کیا کہ وہ داعش کو شکست دینے کی اہلیت رکھتے ہیں۔

امریکی کانگریس میں سماعت کے دوران جنرل میکنزی نے بتایا کہ چند ماہ پہلے جنوبی ننگرہار صوبے میں طالبان نے داعش کو مار بھگایا، اور اس کارروائی کے دوران طالبان کو امریکی فوج کی جانب سے بھی بہت ہی تھوڑی مدد فراہم کی گئی تھی،داعش سے لڑائی ایک خونی مقابلہ تھا مگر افغان طالبان نے یہ کر دکھایا، اب ننگرہار میں داعش موجود نہیں۔

جنرل میکنزی نے کہا کہ اس کے باوجود وہ بہت زیادہ پرامید نہیں کہ طالبان القاعدہ پر حاوی آ جائیں گے، مگر اس وقت طالبان نے اپنی اس صلاحیت کا مظاہرہ کر رہے ہیں جو اس سے پہلے سامنے نہیں آئی۔

تبصرے

جواب چھوڑ دیں

Please enter your comment!
Please enter your name here