نیازی نیب کا بغل بچہ بنا ہوا ہے،حمزہ شہباز

لاہور: پنجاب میں اپوزیشن لیڈر حمزہ شہباز نے کہا ہے کہ نیب کا دہرا معیار ہے،ہم سے غلطی ہوئی ہم نے نیب کا کالاقانون ختم نہیں کیا۔آپ کس کو روز ڈراتے ہیں؟میں دس سال تک نیب کی پیشیاں بھگتا رہا،نیازی نیب کا بغل بچہ بنا ہوا ہے۔

لاہور میں میڈیا سے گفتگو کرتے ہوئے اپوزیشن لیڈر حمزہ شہباز نے کہا کہ یہ معیشت کے ساتھ مذاق کررہے ہیں،اورنج لائن اورسی پیک نوازشریف کا لگایا ہوا پودا ہے۔

اپوزیشن لیڈر پنجاب اسمبلی نے کہا کہ پاکستان ایٹمی قوت ہے اور آپ جگہ جگہ کشکول اٹھا کر جاتے ہیں،آپ کے کیے وعدے جھوٹے ثابت ہورہے ہیں۔نیازی صاحب آپ کا خوف بار بار آپ کی زبان پر آتا ہے،آپ 4ووٹوں کے فرق سے وزیر اعظم بنے۔

حمزہ شہباز نے کہاکہ آپ نے 50لاکھ گھروں کا وعدہ کیا گھر کیسے بنیں گے آپ کو خوف آتا ہے،شہبازشریف کو صاف پانی میں بلاکر آشیانہ میں گرفتار کیا جاتا ہے۔

انہوں نے کہا کہ عدالت پوچھتی ہے کہ کوئی کرپشن ثابت ہوئی تو جواب ملتا ہے تفتیش ہورہی ہے۔انھوں نے کہا کہ سپریم کورٹ میں نیب کو جرمانہ کیا جاتا ہے،کل ٹی وی چینلز پر نیب اپنی صفائیاں پیش کررہا تھا۔

تبصرے

جواب چھوڑ دیں

Please enter your comment!
Please enter your name here