آٹے، چینی، بجلی و گیس کے بعد آخری آرام گاہ بھی مہنگی

فیصل آباد: فیصل آباد میں گورکنوں نے قبروں کی قیمتوں میں اضافہ کر دیا ہے جس کے باعث مہنگائی میں پسے غریب عوام کے لیے قبر کا حصول بھی مشکل ہو کر رہ گیا ہے۔

نجی ٹی وی رپورٹ کے مطابق مہنگائی کی وجہ سے فیصل آباد کے گورکنوں نے قبر کی قیمتوں میں 10 سے 15ہزار  تک کا اضافہ کر دیا ہے جب کہ قبر کے کتبوں کی قیمت بھی 400 سے بڑھ کر 800 روپے کر دی گئی ہے۔

قبروں کی قیمتوں میں اضافے پر  شہریوں نے پریشانی کا اظہار کرتے ہوئے کہا کہ مہنگائی کی وجہ سے اپنے پیاروں کی تدفین بھی مشکل ہو گئی ہے۔

ایک شہری نے شکایت کی کہ قبروں کے ریٹ اتنے زیادہ ہو گئے ہیں کہ اب غریب کے لئے مرنا بھی اتنا مشکل ہو گیا ہے۔

دوسری جانب قبرستانوں کے گورکن کا کہنا ہے کہ  ڈیڑھ فٹ کتبہ پہلے ہم 400 سے 450 کا تیار کر کے دیتے تھے لیکن ہر چیز مہنگی ہو گئی ہے جس کے باعث وہی کتبہ 8 سو روپے کا تیار کر کے دیتے ہیں۔

گورکن کہتے ہیں کہ  مہنگائی میں ہونے والے اضاٖفے نے مجبور کر دیا ہے، اس لیے 10ہزار سے کم میں قبر  تیار نہیں کر سکتے۔

تبصرے

جواب چھوڑ دیں

Please enter your comment!
Please enter your name here